ବ୍ରହ୍ମପୁର: ସୁରତରେ ପ୍ରତିଦିନ କରୋନା ସଂକ୍ରମଣ ବଢ଼ିବାରେ ଲାଗିଛି। ବର୍ତ୍ତମାନ ସହରରେ ରାତ୍ର ୯ଟା ଠାରୁ ସକାଳ ୬ଟା ଯାଏଁ ରାତ୍ର କର୍ଫ୍ୟୁ ବଳବତ୍ତର ଥିବାବେଳେ କରୋନାକୁ ନିୟନ୍ତ୍ରଣ ପାଇଁ କମିସନରରେଟ ପୁଲିସ ପକ୍ଷରୁ ୩୦ମାର୍ଚ ଠାରୁ ୧୩ ଏପ୍ରିଲ ଯାଏଁ ୧୪୪ ଧାରା ଜାରି କରାଯାଇଛି । ଏହା ଦ୍ବାରା ୪ ଜଣରୁ ଅଧିକ ଏକାଠି ହେବା ଉପରେ ପ୍ରତିବନ୍ଧକ ଲଗାଯାଇଛି। ସାମାଜିକ କାର୍ଯ୍ୟକ୍ରମ ଉପରେ ବି ପ୍ରତିବନ୍ଧକ ଲଗାଯାଇଥିବା ବେଳେ ସରକାରୀ, ଅର୍ଦ୍ଧ ସରକାରୀ ସେବା, ଅନ୍ତିମ ସଂସ୍କାର ଏବଂ ବାହାଘର କ୍ଷେତ୍ରରେ ଏହା ଲାଗୁ ହେବନାହିଁ।ସୋମବାରର କରୋନା ସ୍ଥିତିକୁ ଦେଖିଲେ ସୁରତ ସହରରେ ୬୦୩ ପଜିଟିଭ ଏବଂ ଗ୍ରାମଞ୍ଚଳର ୭୪ ମିସି ମୋଟ ସୁରତ ଜିଲ୍ଲାରେ ଆଜି ୬୭୭ ଜଣ କରୋନା ପଜିତିଭ ଚିହ୍ନଟ ହୋଇଛନ୍ତି। ସୁରତ ସିଟିରେ ୩ ଏବଂ ଗ୍ରାମାଞ୍ଚଳରେ ଜଣଙ୍କ ମୃତ୍ୟୁ ଘଟିଛି ।
