ସି ଜିନ୍‌ପିଙ୍ଗ୍‌ଙ୍କ ଆହ୍ଵାନ ୨୦୨୭ ସୁଦ୍ଧା ଚୀନ୍‌ ସେନାକୁ ବିଶ୍ୱର ଶ୍ରେଷ୍ଠ ସେନାରେ ପରିଣତ କରାଯିବ

0
114

ନୂଆଦିଲ୍ଲୀ: ଯୁଦ୍ଧ ଜିଣିବା ନିମନ୍ତେ ଚୀନ୍‌ର ‘ପିପୁଲ୍ସ୍‌ ଲିବରେସନ୍‌ ଆର୍ମି’ ଅତ୍ୟାଧୁନିକ ଯୁଦ୍ଧ ଉପକରଣ ବ୍ୟବହାର କରିବା ସହ ବାସ୍ତବ ଯୁଦ୍ଧ ଭଳି ଅବସ୍ଥାରେ ତାଲିମ ନେବା ଆବଶ୍ୟକ ବୋଲି ଚୀନ୍‌ର ରାଷ୍ଟ୍ରପତି ତଥା ‘ଚୀନ୍‌ କମ୍ୟୁନିଷ୍ଟ୍‍ ପାର୍ଟି’ର ମୁଖ୍ୟ ସି ଜିନ୍‌ପିଙ୍ଗ୍‌ ବୁଧବାର ଦିନ କହିଛନ୍ତି।

‘ସେଣ୍ଟ୍ରାଲ୍‌ ମିଲିଟାରି କମିସନ୍‌’ର (ସିଏମ୍‌ସି) ଅଧ୍ୟକ୍ଷ ଥିବା ୬୭ ବର୍ଷିୟ ଜିନ୍‌ପିଙ୍ଗ୍‌ ‘ସିଏମ୍‌ସି’ର ଏକ ସଭାରେ ଭାଷଣ ଦେବା ବେଳେ ଏହି ମନ୍ତବ୍ୟ ଦେଇଛନ୍ତି।

ଚୀନ୍‌ର ସେନାର ଯୁଦ୍ଧ ଲଢ଼େଇ ଦକ୍ଷତା, ନିରାପତ୍ତା, ପରିବେଶ ଏବଂ ଆଧୁନିକ ଯୁଦ୍ଧ କୌଶଳର ରୂପରେଖରେ ମଧ୍ୟ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ହେଉଛି । ସେନାରେ ବୈଜ୍ଞାନିକ ଏବଂ ବୈଷୟିକ ଶିକ୍ଷାଦୀକ୍ଷା ଥିବା ଅଧିକାରୀମାନଙ୍କୁ ନିଯୁକ୍ତ କରାଯିବ ବୋଲି ମଧ୍ୟ ସେ କହିଛନ୍ତି।

ଚୀନ୍‌ରେ ଦୁଇ ନିୟୁତ ସୈନ୍ୟବିଶିଷ୍ଟ ‘ପିପୁଲ୍ସ୍‌ ଲିବରେସନ୍‌ ଆର୍ମି’ ନିମନ୍ତେ ଆଦେଶ ଜାରି କରୁଥିବା ସର୍ବୋଚ୍ଚ ପ୍ରତିଷ୍ଠାନ ହେଉଛି ‘ସେଣ୍ଟ୍ରାଲ୍‌ ମିଲିଟାରି କମିସନ୍‌’।

LEAVE A REPLY

Please enter your comment!
Please enter your name here