ମହିଳା ନବଜାତ ଶିଶୁ ଅପହରଣ କରି ପାଞ୍ଚ ଦିନ ପରେ ଥାନା ସାମ୍ନାରେ ଛାଡ଼ିଗଲେ

0
27

ଇନ୍ଦୋର: ନର୍ସ ବୋଲି କହି ଜଣେ ମହିଳା ମଧ୍ୟପ୍ରଦେଶର ଇନ୍ଦୋରସ୍ଥିତ ଏକ ଡାକ୍ତରଖାନାରୁ ନବଜାତ ଶିଶୁଟିଏ ଚୋରାଇ ନେବାର ପାଞ୍ଚ ଦିନ ପରେ, ଶୁକ୍ରବାର ସକାଳେ ତାକୁ ଥାନା ଫାଟକ ସାମ୍ନାରେ ରଖି ପଳାଇଥିବା କଥା ପୁଲିସ କହିଛି।
ଇନ୍ଦୋର ଡେପୁଟି ପୁଲିସ ଇନ୍ସ୍‌ପେକ୍ଟର୍‌ ଜେନେରାଲ୍‌ ଚାରି ମିଶ୍ର କହିଛନ୍ତି ଯେ, ମହାରାଜା ଯଶୋବନ୍ତରାଓ ହସ୍ପିଟାଲ୍‌ରେ ଥିବା ମା ସହିତ ଶିଶୁଟିର ପୁନର୍ମିଳନ ହୋଇଛି। ଶିଶୁଟିକୁ ସଂଯୋଗିତାଗଞ୍ଜ ଥାନା ବାହାରେ କେହି ଛାଡ଼ି ଚାଲିଯାଇଥିଲା।
ସାମ୍ବାଦିକମାନଙ୍କୁ ମିଶ୍ର କହିଛନ୍ତି, ଏହି ମାମଲାକୁ ଆମେ ଚାଲେଞ୍ଜ୍‌ ଭାବେ ଗ୍ରହଣ କରିଥିଲୁ। ଡାକ୍ତରଖାନାର ସିସିଟିଭି ଫୁଟେଜ୍‌ ଆଧାରରେ ଆମେ ଅଭିଯୁକ୍ତ ମହିଳାଙ୍କର ଅନୁସନ୍ଧାନ କରୁଥିଲୁ। ଜଣେ ମହିଳା ଦୁଇଚକିଆ ଯାନରେ ଖସି ପଳାଉଥିବା ଦୃଶ୍ୟ ଫୁଟେଜ୍‌ରେ ଦେଖାଯାଉଛି। ଆମେ ଖୋଜାଖୋଜି କରି ସେହି ପ୍ରକାରର ପ୍ରାୟ ୪୫୦ଟି ଦ୍ୱିଚକିଆ ଯାନ ଚିହ୍ନଟ କଲୁ।

LEAVE A REPLY

Please enter your comment!
Please enter your name here