ମହାମାରୀର ଅନ୍ତ କେବେ!

0
89

ଚୀନ୍‌ ଉହାନ୍‌ ଆମିଷ ହାଟରେ ଚିଙ୍ଗୁଡ଼ି ବିକୁଥିବା ଓ୍ୱଇ ଗାଏକ୍‌ସିଆନ୍‌ ‘ସିଭିୟର ଏକ୍ୟୁଟ୍‌ ରେସ୍ପିରେଟୋରି ସିଣ୍ତ୍ରୋମ୍‌ କରୋନା ଭାଇରସ୍‌-୨ ବା SARS-Cov2 ଦ୍ବାରା ଆକ୍ରାନ୍ତ ପ୍ରଥମ ରୋଗୀ ବୋଲି ୩୦.୩.୨୦୨୦ର ‘ଦ ଇକନୋମିକ୍‌ ଟାଇମ୍‌ସ’ରୁ ଜଣାପଡ଼େ। ୧୦.୧୨.୨୦୧୯ରେ ସ˚କ୍ରମିତ ଏହି ମହିଳା ଜାନୁଆରି, ୨୦୨୦ରେ ସୁସ୍ଥ ହୋଇଥିଲେ। ଏହି ଭୂତାଣୁ ସ˚କ୍ରମଣ ୨୦୧୯ରେ ଆରମ୍ଭ ହୋଇଥିବାରୁ ଏହାକୁ ‘କରୋନା ଭାଇରସ୍‌ ଡିଜିଜ୍‌-୧୯’ (କୋଭିଡ୍‌-୧୯) କୁହାଯାଉଛି। ୩୧.୧୨.୨୦୧୯ରେ ଚୀନ ତରଫରୁ ବିଶ୍ବ ସ୍ବାସ୍ଥ୍ୟ ସ˚ଗଠନକୁ ସତର୍କ କରି ଦିଆଯାଇଥିଲା ଯେ ଉହାନ୍‌ରେ କିଛି ଫ୍ଲୁ ପରି ରୋଗ ଆରମ୍ଭ ହୋଇଛି। ପରବର୍ତ୍ତୀ ସମୟରେ କୋଭିଡ୍‌-୧୯ର ପ୍ରସାରକୁ ବିଚାର କରି ବିଶ୍ବ ସ୍ବାସ୍ଥ୍ୟ ସ˚ଗଠନ ଏହାକୁ ୧୧.୩.୨୦୨୦ରେ ବିଶ୍ବ ମହାମାରୀ ଭାବେ ଘୋଷଣା କରିଥିଲା। ସେତେବେଳକୁ ୧୧୪ଟି ଦେଶର ପ୍ରାୟ ୧,୨୬,୧୪୦ ଜଣ ସ˚କ୍ରମିତ ହୋଇ ସାରିଥିଲେ ଓ ୪,୬୦୦ରୁ ଅଧିକ ପ୍ରାଣ ହରାଇ ସାରିଥିଲେ।

ସ˚ପ୍ରତି ଏହାର ଛଅ ମାସ ପରେ ଏହି ‘ପାନ୍‌ଡେମିକ୍‌’ର ଘନଘଟା ଭିତରେ ଶ୍ବାସରୁଦ୍ଧ ହୋଇ ପଡ଼ିଥିବା ପୃଥିବୀରେ ସମସ୍ତଙ୍କ ମୁହଁରେ ଗୋଟିଏ ପ୍ରଶ୍ନ- ‘ଏ ମହାମାରୀର ଅନ୍ତ କେବେ?’ କୁହାଯାଉଛି ଯେ ମହାମାରୀର ତିନି ପ୍ରକାରର ଅନ୍ତ ଘଟିପାରେ। ସେଗୁଡ଼ିକ ହେଲା ଚିକିତ୍ସା ବିଜ୍ଞାନ ବଳରେ ରୋଗର ସ˚କ୍ରମଣକୁ ରୋକି ବା ରୋଗ ଜନିତ ଭୟ, ଉତ୍କଣ୍ଠା ଓ ଅସୁବିଧାକୁ ଗୁରୁତ୍ବ ନ ଦେଇ ଏହାକୁ ସାମାଜିକ ଭାବେ ଶକ୍ତିହୀନ କରି ଦେଇ ଅଥବା କୌଣସି ସରକାର ଦ୍ବାରା ଠିକଣା ଭାବେ ଏହାର ପରିଚାଳନା କରି ଯାହାକୁ ରୋଗର ରାଜନୈତିକ ଅନ୍ତ ବୋଲି କୁହାଯାଇପାରେ। ତେବେ, ମହାମାରୀ ତଥା ଭୂତାଣୁ ଉପରେ ବହୁ ବିଷୟ ଓ କାରକର ପ୍ରଭାବ ଥିବାରୁ ବିଶେଷଜ୍ଞମାନେ ସାଧାରଣତଃ ପୂର୍ବାନୁମାନ କରିବା ପାଇଁ ଇଚ୍ଛୁକ ନୁହନ୍ତି। ତେବେ କେତେକ ବିଶାରଦ, ବିଭିନ୍ନ ଅଧୢୟନ ଅନୁଧୢାନ ଏବ˚ ଗବେଷଣାକୁ ଭିତ୍ତି କରି କିଛି କିଛି ଭବିଷ୍ୟତବାଣୀ କରିଛନ୍ତି।

ଏସବୁ ଭବିଷ୍ୟତବାଣୀ ଓ ପୂର୍ବାନୁମାନ ସତ୍ତ୍ବେ ୨୦୨୧ ଓ ତା’ପରେ ମହାମାରୀର ରୂପ ନିର୍ଭର କରିବ ଟିକା ଉପଲବ୍‌ଧ ହେବା ଉପରେ। ତା’ଛଡ଼ା ଟିକା କେତେ ଦିନ ଯାଏ ସୁରକ୍ଷା ଦେଇ ପାରୁଛି ତା’ର ପ୍ରଭାବ ମଧୢ ରହିବ। ମିଳିମିଳା, ପୋଲିଓ ଆଦି କ୍ଷେତ୍ରରେ ଟିକାର ପ୍ରଭାବ ଦୀର୍ଘସ୍ଥାୟୀ। କିନ୍ତୁ ହୁପି˚ କାଶ, ଇନଫ୍ଲୁଏଞ୍ଜା ପରି ଶ୍ବସନତନ୍ତ୍ର ସମ୍ପର୍କିତ ରୋଗରେ ଦୀର୍ଘସ୍ଥାୟୀ ସୁରକ୍ଷା ସମ୍ଭବ ହୋଇନାହିଁ। ଏଣୁ କୋଭିଡ୍‌-୧୯ ଭୂତାଣୁ ପ୍ରତିରୋଧୀ ଶକ୍ତି କେତେ ଦିନ କାଏମ ରହିବ ସେ ବିଷୟରେ ଗବେଷକମାନେ ନିଶ୍ଚିତ ନୁହନ୍ତି। ଏଥିପାଇଁ ବ୍ୟାପକ ଗବେଷଣା ଚାଲିଛି। କାରଣ ଦୀର୍ଘସ୍ଥାୟୀ ପ୍ରତିରୋଧୀ ଶକ୍ତିର ଅଭାବରେ ଏହି ରୋଗର ଏକାଧିକ ଲହରି ସମ୍ଭବ ହୋଇପାରେ। ତା’ ଛଡ଼ା ଭୂତାଣୁ ଏଣ୍ତେମିକ୍‌ ହୋଇ ବାରମ୍ବାର ସ˚କ୍ରମଣ କରିବାର ଆଶଙ୍କା ରହିଛି। ଏଥିପ୍ରତି ସତର୍କ ରହିବା ଜରୁରୀ। ତେବେ ବର୍ତ୍ତମାନ ମହାମାରୀକୁ ବୁଝି ଭୂତାଣୁ ବାବଦରେ ଠିକ ତଥ୍ୟ ଜାଣି ସଚେତନ ଓ ସତର୍କ ରହିବାର ଅଭ୍ୟାସ ହିଁ ଏକମାତ୍ର ବିକଳ୍ପ ପରି ମନେ ହେଉଛି।

LEAVE A REPLY

Please enter your comment!
Please enter your name here