ଚେନ୍ନାଇର ଚମକପ୍ରଦ ବିଜୟ କେକେଆର୍‌କୁ କାଟିଲେ ଜାଦେଜା ଶେଷ ୨ ବଲ୍‌ ଛକା

0
72

ଦୁବାଇ: ଶେଷ ପର୍ଯ୍ୟାୟରେ ପହଞ୍ଚିଥିଲେ ମଧ୍ୟ ଆଇପିଏଲ୍‌-୧୩ରେ ରୋମାଞ୍ଚ ସରିନାହିଁ। ଗୁରୁବାର ଆଉ ଏକ ଅନ୍ତିମ ବଲ୍ ଉତ୍କଣ୍ଠାରେ ବାଜି ମାରି କୋଲକାତା ନାଇଟ୍ ରାଇଡର୍ସ (କେକେଆର୍‌)କୁ ନାଟକୀୟ ଭାବେ ୬ ୱିକେଟ୍‌ରେ ହରାଇଛି ଚେନ୍ନାଇ ସୁପରକିଙ୍ଗ୍ସ (ସିଏସ୍‌କେ)। ଉତ୍ଥାନ ପତନ ଓ ଘଟଣା ବହୁଳ ଏହି ମୁକାବିଲା ଅଷ୍ଟାଦଶ ଓଭର ପର୍ଯ୍ୟନ୍ତ ଏକପ୍ରକାର କୋଲକାତା କବ୍‌ଜାରେ ଥିଲା। ହେଲେ ଶେଷ ଦୁଇ ଓଭରରେ ଚେନ୍ନାଇ ସୁବିକଛି ବଦଳାଇ ଦେଇଥିଲା। ଅଲରାଉଣ୍ଡର ରବୀନ୍ଦ୍ର ଜାଦେଜା (୩୧* ରନ୍, ୧୧ ବଲ୍, ୨ ଚୌକା, ୩ ଛକା) ହିଁ ‌ନିଜ ବିସ୍ଫୋରକ ରୂପରେ ‌କୋଲକାତା ପଞ୍ଝାରୁ ମ୍ୟାଚ୍ ଛଡ଼ାଇ ନେଇଥିଲେ। ବିଜୟ ପାଇଁ ଚେନ୍ନାଇକୁ ଆଜି ଶେ‌ଷ ୧୨ ବଲ୍‌ରୁ ୩୦ ରନ୍‌ ଦରକାର ଥିଲା। ପିଚ୍‌ ମଧ୍ୟ ବୋଲରଙ୍କୁ ସୁହାଉଥିଲା। କଠିନ ପରିସ୍ଥିତିରେ ଜାଦେଜା ଧମାକାଦାର ବ୍ୟାଟିଂ କରି ଚତୁରତାର ସହ ପ୍ରଥମେ ଚେନ୍ନାଇ ପଲ୍ଲା ଭାରି କରିଥିଲେ ଏବଂ ପରେ ବିଜୟ ରେଖା ପାର କରାଇଥିଲେ।

LEAVE A REPLY

Please enter your comment!
Please enter your name here