ତୈଳ ଦରରେ ବୃଦ୍ଧି ଧାରା ଜାରି ରହିଛି । ଆଜି ପେଟ୍ରୋଲ ୫୩ ପଇସା ଏବଂ ଡିଜେଲ ୬୪ ପଇସା ମହଙ୍ଗା ହୋଇଛି । ୧୨ ଦିନରେ ଲିଟର ପିଛା ପେଟ୍ରୋଲ ୬.୫୫ ଟଙ୍କା ଏବଂ ଡିଜେଲ ୭.୧୩ ଟଙ୍କା ମହଙ୍ଗା ହୋଇଛି । ଦିଲ୍ଲୀରେ ପେଟ୍ରୋଲ ୭୭.୮୧ ଟଙ୍କା, ମୁମ୍ବାଇରେ ୮୪.୬୬ ଟଙ୍କା, କୋଲକାତାରେ ୭୯.୫୯ ଟଙ୍କା ଏବଂ ଚେନ୍ନାଇରେ ୮୧.୪୦ ଟଙ୍କାରେ ପହଞ୍ଚିବା ଭାରତୀୟ ତୈଳ ନିଗମ (ଆଇଓସି) ପକ୍ଷରୁ ପ୍ରକାଶିତ ବିଜ୍ଞପ୍ତିରୁ ଜଣାଯାଇଛି । ସଂଶୋଧିତ ଦର ଲାଗୁ ହେବାପରେ ଲିଟର ପିଛା ଦିଲ୍ଲୀରେ ଡିଜେଲ ଦର ୭୬.୪୩ ଟଙ୍କା, ମୁମ୍ବାଇରେ ୭୪.୯୩ ଟଙ୍କା, କୋଲକାତାରେ ୭୧.୯୬ ଟଙ୍କା ଏବଂ ଚେନ୍ନାଇରେ ୭୪.୩୧ ଟଙ୍କାକୁ ବୃଦ୍ଧି ପାଇଛି । ସୁଚନାଯୋଗ୍ୟ, ଅନ୍ତର୍ଜାତୀୟ ବଜାରରେ ବ୍ୟାରେଲ ପିଛା ଅଶୋଧିତ ତୈଳ ଦର ୪୦ ଡଲାର ରହିଛି ।
